Për herë të parë, emigrantët shqiptarë do të mund të votojnë në zgjedhjet parlamentare pa qenë të pranishëm fizikisht në Shqipëri.
Procesi i regjistrimit përmes Platformës Elektronike të Regjistrimit (PER) ka nisur sot dhe do të zgjasë deri më 4 mars.
Deri më tani, 295 shtetas shqiptarë janë regjistruar për të votuar, kryesisht nga shtetet ku ndodhet një pjesë e madhe e diasporës shqiptare, si Gjermania, Italia, Britania dhe Greqia.
Kjo nismë synon të lehtësojë përfshirjen e shqiptarëve që jetojnë jashtë vendit në proceset zgjedhore të atdheut.
