28-vjeçari shqiptar në Gjermani vret gruan, e shtyn para shinave të trenit

Google+ Pinterest LinkedIn Tumblr +

Një ngjarje e rëndë ka ndodhur dy ditë më parë në Duisburg në Gjermani. Një 28-vjeçar me prejardhje nga Kosova, ka shtyrë para trenit bashkëshorten e tij, duke sjellë edhe vdekjen e saj.

28-vjeçari njihet si person problematik, pasi ai është konfliktuar edhe me shumë njerëz që janë banorë të fshatit ku autori i ngjarjes jetonte me të shoqen dhe me vajzën e saj 13-vjeçare, që e ka pasur nga martesa e parë.

Madje shumë prej tyre e kanë denoncuar edhe më parë atë në polici, pasi i ka ngacmuar e ofenduar pa asnjë arsye.

Mbrëmjen e së shtunës, ka qenë vetë autori i ngjarjes që ka njoftuar vdekjen e bashkëshortes së tij në rrjetet sociale, menjëherë pasi ka kryer aktin e rëndë.

“Sot është vrarë gruaja ime. Ajo është shtyrë para një treni, nga një i panjohur, pa asnjë shkas”, shkruante bashkëshorti i Anja N., që tashmë ka humbur jetën.

Çifti ishte martuar në verën e vitit 2018 ndërsa viktima është nëna e një vajze 13 vjeçe. Banorët janë shprehur për policinë se ata nuk kanë dyshuar ndonjë konflikt midis çiftit para se të ndodhte ngjarja e rëndë.

Ende nuk dihen edhe shkaqet që e kanë çuar të riun me origjinë nga Kosova, drejt aktit të rëndë ndaj bashkëshortes së vet.

Shpërndaje
Share.

Komento