Një aksident i rëndë ka ndodhur mbrëmjen e së hënës në aksin rrugor “Elbasan-Bradashesh” ka sjellë arrestimin në flagrancë të një 28-vjeçari, i cili rezultoi se drejtonte automjetin në gjendje të dehur.
Sipas njoftimit të Policisë së Elbasanit, i riu, identifikuar me inicialet L.B., ka përplasur një 62-vjeçar që udhëtonte me biçikletë, shtetasin Xh.R.
Ky i fundit u dërgua me urgjencë në spital për shkak të plagëve të rënda, por nuk arriti t’i mbijetojë dëmtimeve.
28-vjeçari do të përballet me akuzat për “Drejtim të automjetit në mënyrë të parregullt” dhe “Shkelje të rregullave të qarkullimit rrugor”, me pasojë vdekjen.
Materialet hetimore janë dorëzuar pranë Prokurorisë së Gjykatës së Shkallës së Parë të Juridiksionit të Përgjithshëm Elbasan, për vijimin e procedurave ligjore.
