26-vjeçari humbi jetën për një kondicioner, jepet vendimi për një nga të arrestuarit

Google+ Pinterest LinkedIn Tumblr +

Dy ditë më parë, 26-vjeçari Indrit Çelaj humbi jetën në Spitalin e Traumës, pasi u qëllua me plumb në kokë, teksa ishte duke punuar për montimin e një kondicioneri. Ngjarja e rënë ndodhi në një vilë në restaurim, në rrugën “Myslym Shyri” në Tiranë.

Të dyshuar për krimin e rëndë, janë dy vëllezërit Albano e Griseldo Kusi. Dy vëllezërit janë djemtë e pronarit të vilës, Bujar Kusit. Ka qenë 27-vjeçari Lorenc Veliaj, ai që ka nxjerrë emrat e dy vëllezërve.

Ditën e sotme mësohet se Veliaj do të qëndrojë në burg pasi kërkohej edhe më herët nga policia për tre vepra penale.

Gjykata e Tiranës vendosi arrest me burg për Veliajn, i cili akuzohet për kundërshtim të punonjësit të policisë, prodhimi dhe mbajtja pa leje e armëve luftarake dhe municionit si dhe shkatërrim prone. Lorenc Veliaj u arrestua pas ngjarjes së ndodhur në rrugën “Myslym Shyri” në Tiranë, ku u vra me plumb në kokë i riu nga Mallakastra.

Indrit Çelaj, teknik për montimin dhe riparimin e kondicionerëve, humbi jetën pasi u qëllua me një plumb pistolete në kokë.
Të dyshuar si autorë të ngjarjes janë ndjemtë e pronarit të vilës ku ai po punonte.

Shpërndaje
Share.

Komento