Një ngjarje e rëndë ndodhi mëngjesin e së shtunës në Lezhë, ku një 23-vjeçar nga Kosova humbi jetën gjatë pushimeve me familjen.
I riu u dërgua pa shenja jete në Urgjencën e Spitalit Rajonal të Lezhës.
Policia njoftoi se rreth orës 09:00, më 28 qershor, stafi i spitalit raportoi pranimin e trupit pa jetë të shtetasit G.S., 23 vjeç, banues në Ferizaj.
Sipas familjarëve, i riu kishte probleme shëndetësore që nga fëmijëria.
Dyshohet se vdekja ka ardhur nga shkaqe natyrale.
