Me 21 janar të vitit 2011 në një prtestë të organizuar nga opozita e asokohe (Partia Socialiste), ngelën të vrarë 4 persona nga Garda e Republikës, ku një nga këta ishte dhe Aleks Nika.
Familjarët e Aleksit nuk e kanë lënë jashtë vëmendjes këtë ngjarje të rëndë, ata dërguan një padi në Gjykatën Europiane për të Drejtat e Njeriut.
Gjykata e Stasburgut së fundmi ka dhënë vendimin për Aleks Nikën, duke theksuar se në lidhje me këtë rast ka dy shkelje nga shteti: vrasja e personit dhe më pas moszbardhja e vrasjes. Në vendimin e Gjykatës Europiane për të Drejtat e Njeriut thuhet se këto janë shkelje të rënda të së drejtës për jetë.
Ndërkohë, familjarët e Aleks Nikës janë drejtuar Prokurorisë së Tiranës për të rihapur rhetimin për vrasjen e tij. Megjithatë, ata janë shprehur shpesh në media se janë të zhgënjyer nga drejtësia në vend, ndaj ata iu drejtuan Gjykatës së Strasburgut.
