Disa ditë më parë një 49-vjeçar shqiptar në Australi goditi me thikë për vdekje vajzën e tij. Ai e vrau vajzën në makinën e saj pasi ajo e kishte kaluar mbrëmjen me shokët e shoqet e saj në një festë.
Petrit Lekaj, 49 vjeç akuzohet se ka vrarë vajzën e tij, Sabrina Lekaj 20 vjeçe. Ajo ishte studente në universitetin e Australisë Jugore, ku mësohet se ishte një studente me rezultate të larta.
Ditën e sotme, familja, miqtë, të afërmit dhe gjithë të njohurit i kanë dhënë lamtumirën e fundit 20-vjeçarës që u vra nga babai i saj.
Në disa foto të publikuara shihet vëllai i saj 11vjeçar dhe nëna e saj e cila po vajtojnë për Sabrinën.
Ngjarja e rëndë ka ndodhur dy javë më parë, ku Petrit Lekaj dhe vajza e tij Sabrina Lekaj u gjetën të përgjakur në makinën e të resë. 20-vjeçarja u gjet e pajetë, e vrarë nga disa goditje me thikë. Babai i saj 49-vjeçar, u gjet me plagë në bark dhe u dërgua në spital, në gjendje kritike.
Sipas policisë, babai i Sabrinës tentoi të vriste veten duke u vetëgoditur me thikë në bark.
Para se Sabrina të humbte jetën, ajo i kishte dërguar mesazh një prej mikeshave të saj, ku i shkruante se e donte shumë dhe se kur të mbërrinte në shtëpi do i dërgonte sërish mesazh.
Natën e ngjarjes së rëndë, Sabrina kishte dalë të festonte përfundimin e provimeve në shkollë. 20-vjeçarja ishte studente e mjekësisë.
