Kreu i vendit Ilir Meta zhvilloi mbrëmjen e sotme një konferencë për shtyp ku apeloi edhe njëherë për përgjegjshmëri maksimale për të përballuar situatën nga Coronavirusi pas konfirmimit të dy rasteve të para në Shqipëri.
Meta vlerësoi angazhimin dhe masat e marra nga institucionet përgjegjëse teksa ftoi qytetarët ta përballojnë me qetësi këtë situatë, duke mos përhapur panik.
“Mbështes personelin mjekësor, mjekët dhe infermierët në mbarë vendin që do iu duhet të përballen me këtë rrezik serioz. Po e ndjek situatën hap pas hapi, do të bëjmë çdo gjë për kalimin sa më të lehtë të kësaj situate.Duhet një plan monitorimi shumë rigoroz, blerja e materialeve mbrojtëse për personelin për të përballuar këtë epidemik. Nuk ka vend për panik, por duhet përgjegjshmëri maksiamle. Plan të detajuar që qeveria duhet të marrë menjeherë në ekonomi. Apeloj për plane të detajuara për çdo strukturë dhe individ. Shoqëria është bashkë përballë këtij rreziku. Çdo qytetar rrezikon jo vetëm jetën e tij, por të gjithëve, Në këto momente duhet të tregojmë përgjegjshmëri maksimale, ndaj nuk duhet ta lejojmë këtë situatë të rrezikojë jetën e qytetarëve tanë”, u shpreh Meta.
Meta theksoi se shëndeti i çdo qytetari është prioritet, ndërsa solli në vëmendje se çdo neglizhencë do të ishte e rrezikshme për familjen dhe shoqërinë e gjithsecilit.
Konferenca e jashtëzakonshme e Metës vjen disa orë pasi në Shqipëri u konfirmua hyrja e Covid-19, ku babë e bir, 54 dhe 28 vjeç, janë dy të prekurit e parë në vendin tonë, që tanimë janë izoluar në ambientet e Spitalit Infektiv.
Ndërkohë, Ministria e Arsimit ka pezualluar procesin mësimor për dy javë, si dhe janë anuluar të gjitha aktivitetet publike deri më 3 prill.
Ministrja e Arsimit: “Mësimi do zhvillohet në klasa virtuale, provimet e maturës nuk shtyhen”
Ndërkohë, edhe ministrja e Shëndetësisë Ogerta Manstirliu doli në një konferencë për shtyp, ku dha detaje rreth masave të marra.
Emergjenca Koronavirs/ Manastirliu: “Pezullohen operacionet e planifikuara”
