Ukraina ditën e djeshme bëri 2 muaj luftë, 2 muaj mes bombardimeve, vuajtjve dhe masakrave ruse.
Ndërkohë që Komisioneri i Lartë i Kombeve të Bashkuara për Refugjatët ka bërë të ditur numrin e ukrainasve të larguar që prej fillimit të luftës.
Më shumë se 5.2 milionë refugjatë ukrainas janë larguar nga vendi i tyre nën sulmimin e trupave ruse.
Sipas UNHCR-së, 5,232,014 ukrainas janë larguar nga vendi i tyre që nga fillimi i pushtimit, 45,270 më shumë se dje. Që nga fillimi i prillit, rreth 1,197,000 ukrainas janë larguar, shumë më pak se 3.4 milionë që kishin zgjedhur të largoheshin në mars.
Organizata Ndërkombëtare për Migracionin (IOM), e lidhur gjithashtu me Kombet e Bashkuara ka evidentuar se më shumë se 218,000 joukrainas, kryesisht studentë dhe punëtorë migrantë, janë larguar nga Ukraina për në vendet fqinje, që do të thotë mbi 5,25 milionë njerëz në total, janë larguar nga vendi që nga fillimi i luftës.
Theksojmë se gratë dhe fëmijët përbëjnë 90% të këtyre refugjatëve.
Gati gjashtë nga dhjetë refugjatë ukrainas (2,909,415 që nga 24 prilli) janë larguar në Poloni, e cila është shtëpia e numrit më të madh të tyre, megjithëse disa të tjerë janë zhvendosur në vende të tjera evropiane.
Ukraina bëri 2 muaj luftë, ndërkohë që Volodymyr Zelenskiy mori një moment për të thënë se ishte krenar që ishte udhëheqësi i Ukrainës dhe se gjëja më e rëndësishme ishte që vendi të vazhdojë te jete e bashkuar.
“Ukraina ka bërë gjithçka, gjithçka, vërtet e besoj këtë. Jemi kaq të bashkuar. Gjëja më e rëndësishme është që kjo ndjenjë uniteti të mbetet deri në fund të luftës”.
