Një operacion policor i nisur ditën e djeshme dhe i vazhduar edhe ditën e sotme nga 1600 forca policie, ka bërë që të goditen dy raste të mbjelljes dhe kultivimit të lëndëve narkotike.
Një kontrolli imtësishëm është kryer për marrjen e masave me qëllim goditjen e veprimtarisë kriminale në fushën e kultivimit, prodhimit dhe mbajtes së
Si rezultat i kontrollit, në të gjithë vendin janë evidentuar dy raste. Një rast është në Malësinë e Krujës, ku janë gjetu 93 bimë dhe rasti i dytë në Gjorm të Vlorës, ku janë sekuestruar 40 bimë narkotike, të dyshuara si kanabis.
Kontrolli është bërë edhe me dron, për të bërë kontroll edhe më të mirë të zonës, ku terreni ka qenë i vështirë për t’u përshkuar me këmbë nga forcat e policisë.
Në kuadër të këtij kontrolli, do të monitorohet më tej terreni edhe nga ajri nga ana e Guardia di Financa, duke bashkëpunuar me grupet e kontrollit nga toka.
Kontrolli i territorit dhe monitorimi nga ajri do të vijojë edhe në ditët e ardhshme. Qëllimi është parandalimi i kultivimit dhe trafikimit të lëndëve narkotike.
