Menjëherë pas miratimit të paketës “Anti-KÇK”, më 3 shkurt Operacioni Forca e Ligjit nisi goditjet dhe sekuestrimin e pasurive të emrave të njohur të botës së krimit.
Pavarësisht se ngjalli debate të shumta, ku opozita hodhi akuza se gjithçka bëhet nga Edi Rama për ‘show’, OFL-ja ka ndërmarrë aksione të shumta në qytete të ndryshme të Shqipërisë, duke arrestuar persona të ndryshëm e duke u dërguar kërkesë për plotësimin e formularëve për justifikimin e pasurisë të tjerve.
Deri më tani ajo ka një listë me 250 subjektet e para që dyshohen të jenë përfshirë në botën e krimit, teksa ka dërguar tashmë formularin tek Suel Cela dhe Plarent Dervishaj, Dash Gjoka, Emiljano Hysenaj, Lulzim Berisha, Edlir Hysenaj, Altin Hajri, Ardian Capja, grupi i Dukagjinit, Saimir Taullau, Ben Qimja, Durim Bami, Landi Muharremi, Bardhok Pllanaj, Alberto Lamaj, Dritan Dajtit, Xhevdet Troplinit, Emiljano Shullazit, Gjergj Cukalit, Orges Jahelezi dhe Pajtim Serjanit, Gazmend Mahmutajt dhe Edison Çobos.
Ndërsa sot formulari i ka shkuar Ervis Martinajt, i njohur ndryshe edhe si “bosi” i lojërave të fatit, dhe dy vëllezërit Kaçorri, Arben dhe Valentino.
Së fundmi, janë zbardhur emrat e të dyshuarve të tjerë të lidhur me krimin që do të kalojnë në ‘sitën’ e Operacionit Forca e Ligjit.
Emrat janë publikuar në emisionin “Repolitix” nga gazetari Elton Qyno, ku bie në sy fakti që të 6 vëllezërit Jahelezi do të duhet që të japin me detaje llogari se si e kanë vënë pasurinë e tyre dhe Gëzim Çela, i cili është ende në kërkim.
Sipas gazetarit, lista e OFL-së do të kapë shifrën e 1300 personave.
EMRAT E LISTËS SË OFL-së:
1. Aurel ose Altin Hoxhallari- dyshohet se wshtw porositësi i vrasjes së Devi Kasmit
2. Gëzim Çela- i njohur ndryshe si “Baroni i Drogws” është ende në kërkim dhe besohet se fshihet në Laç
3. Astrit Bushi- laçiani i arrestuar nga forcat RENEA për llogari të autoriteteve italiane dhe spanjolle, pasi akuzohet si personi që udhëhoqi grabitjen e yllit televiziv spanjoll dhe dhunimin e tij, Joze Luis Moreno
4. Arjan Shanaj- biznesmen në qytetin e Fierit
5. Arben Gropa ose i njohur ndryshe si Vangjel Ziaj– pronar i “Pelikanit” në Fier, i dënuar nga drejtësia italiane me 32 vite e 6 muaj burg për veprën penale “Trafiku i narkotikëve”
6. Fatmir Kajolli- biznesmen në qytetin e Fierit
7. 6 vëllezërit Jahelezi: Enio pronar i “Cavalli Club”, “Amsterdam” Clab, hotel “Deluxe” etj. Orges Jahelezi i hetuar për heroinën e kapur në Has, Gramoz Jahelezi, i hetuar për dy atentate në dëm të viktimës Flamur Toska, Elvis ose Franc Jahelezi, vëllai i tij Xhevdet Jahelezi, dhe vëllai tjetër Luan Jahelezi
8. Shkëlqim Kurpalaj– nga Kukësi, i dënuar në Itali me 10 vite burg për shfrytëzim prostitucioni.
