Një letër e firmosur nga 12 mjekë i është dërguar kryeministrit Edi Rama, Presidentit Ilir Meta dhe krerëve të shtetit me rastin e zgjedhjeve që priten të zhvillohen më 25 Prill.
Doktoresha Elona Cekani nga Zvicra ka bërë thirrje për të konstribuar në marrjen e masave të reja dhe zbatimin e tyre në këtë periudhë zgjedhjesh elektorale.
Sipas Cekanit Shqipëria është pranë një bombe dhe prej janarit po kalon atë që kaloi Lombardia para një viti, ndërsa ka shtuar më tej se për zgjedhje situata pritet të rëndohet më shumë.
Reagimi i Elona Cekanit:
“Rastet e reja janë dyfishuar po ashtu dhe vdekjet. Që nga fundi janarit gjërat po përkeqësohen, problemet janë nga më të ndryshmet ndoshta nga indiferenca apo keqmenaxhimi. Jemi pranë një katastrofe që mund të kthehet në katastrofë gjatë fushatës. Duhet t’iu tregojmë vendimmarrësve të tregojnë sa më shumë kujdes. Jemi pranë një bombe.
Ajo që Lombardia kaloi në para një viti, ka filluar Shqipëria ta kalojë në janar dhe shkurt dhe imagjinojeni në mars kur fushata elektorale të jetë në kulmin e saj dhe në prill kur njerëzit të shkojnë drejt kutive të votimit. Situata është tepër shqetësuese. Vendimmarrësit të jenë shembull për respektimin e masave.”, u shpreh mjekja Cekani nga Zvicra.
