Më 17 shkurt Kosova mbush 11 vjet pavarësi.
Për nder të 11-vjetorit të Pavarësisë së shtetit, është bërë publike edhe logoja e cila do të përcjell këtë festë shtetërore.
“Kosova, nder dhe detyrë”, janë fjalët të cilat i mban kjo logo.
Kujtojmë se për 10-vjetorin e pavarësisë, përzgjedhja e logos ishte bërë nga Këshilli Organizativ që është nën patronazhin e presidentit Hashim Thaçi, e që ishte kritikuar nga shoqëria civile si plagjiaturë.
Pas kritikave, ishte përzgjedhur një logo tjetër e re e për të dëshmuar autenticitetin e saj, autorët kishin bërë publike tërë punën praktike sesi kishin ardhur deri te versioni final.
Këtë vit festa organizohet nën patronazhin e Qeverisë së Kosovës.
Për festimin sa më të mirë të kësaj dite, të dielën e 17 shkurtit 2019, janë planifikuar shumë aktivitete nga institucionet e Kosovës. 17 shkurti do të nisë me mbledhjen e Qeverisë së Kosovës, e cila mësohet se është menduar të ketë karakter festiv.
