Këtë të diel (25 shtator) djali i kryetarit të Partisë Demokratike, Sali Berisha, Shkëlzeni dhe e dashura e tij Armina Mevlani, ndonëse bashëjetojnë prej një kohe të gjatë pasi kanë 10 vite të lidhur, tashmë kanë vendosur ta kurorëzojnë dashurinë e tyre në martesë. Ato sot kanë vendosur t’i thonë PO njëri tjetrit në një ceremoni martesore.
Mësohet se ceremonia e tyre po zhvillohet në një ambient, i cili ndodhet në zonën e Shijakut, ku sipas informacioneve janë rreth 300 të ftuar. Sot miq dhe të afërm të çiftit të ri do të shohin çiftin teksa i betohen njëri-tjetrit për dashurinë e përjetshme. I bërë me dije nga vetë çifti është fakti se dasma po zhvillohet në stinën e vjeshtës, pasi kjo është stina e preferuar e të 2 të dashuruarve. Ceremonia e dasmës ka nisur që në orën 17:00 me një koktej për të mikpritur të ftuarit.
Blogerja e njohur Mevlani ndërkohë i ka dhënë një tjetër ngjyrë atmosferës, pasi ka zgjedhur të mbërrijë në ceremoni me një mjet ‘vintage’ të markës ‘Lincoln’, të viteve 60’.
Ndërkohë, janë bërë publike edhe fotot e para të çiftit, me Shkëlzenin e veshur me stil klasik dhe Arminën që e shoqëron plot hijeshi me fustanin e saj të bardhë.
