Ka plot 10 vite që kryemisnistri Rama çdo 21 janar premton drejtësi për viktimat që ngelën të vrarë në Bulevardin “Dëshmorët e Kombit”, në një nga protestat e organizuar nga Partia Socialiste.
Njënga premtimet e Ramës para se të merrte pushtetin, ishte se do të kërkonte drejtësi për 4 të vrarët. Por, a nuk mjaftuan 10 vite në pushtet që personat përgjegjës për këto vrasje të shkojnë pas hekurve? Duket se jo!
Rama në një takim me socialistët në Dibër është krenuar me reformën në Drejtësi dhe nuk ka pa përmendur edhe vendimin e Strasburgut për masakrën e “21 Janarit”, ku sipas tij është mishërimi më konkret i shprehjes se drejtësia vonon por nuk harron.
Sipas tij, “21 Janari” është një nga ato krime që kurrën e kurrës nuk mbeten pa ndëshkuar.
“Ju e patë që Strasburgu nxori vendimin duke rrëzuar gjithë procesin farsë për “21 Janarin”. Dhe duke nënvizuar atë që është më elementarja në trajtimin e asaj ngjarje dhe që duhej të ishte trajtuar ashtu siç e vizaton Strasburgu, nga çdo vend demokratik evropian ku drejtësia është e pavarur dhe ku qeveria nuk ja mban dorën drejtësisë. Është një krim me urdhër të drejtpërdrejtë qeverie. Me urdhër të paligjshëm. Dhe ky vendim është një tjetër kulm në një rrugë të re që sapo është hapur për drejtësinë”, u shpreh Rama.
Ai siguroi të gjithë qytetarët se qeveria merr përsipër rihapjen e dosjes dhe për 3 rastet e tjera të pashqyruara ende nga Gjykata e Stasburgut.
