Gjatë orëve të fundit janë konfirmuar 10 raste të reja me Covid-19 në Shkodër. Burime për Dosja.al bëjnë me dije se mes të infektuarve janë një punonjës i bashkisë së Shkodrës dhe një punonjës i postës së qytetit.
Të njëjtat burime bëjnë me dije se punonjësi i Bashkisë është kontakt i nënkryetares, Emilia Koliqi. Kjo e fundit rezultoi e infektuar një ditë më parë.
Sipas Ministrisë së Shëndetësisë gjatë 24 orëve të fundit janë konfirmuar 45 raste të reja me Covid-19. Harta është zgjeruar në 9 qytete, ku numri më i madh i të infektuarve është në Tiranë. Sakaq është ulur numri i pacientëve të marrin mjekim në spitalin Infektiv. Aktualisht janë 71 persona që po marrin mjekim në këtë spital. Lajmi i mirë është se gjatë orëve të fundit janë shëruar 57 qytetarë.
