Deputeti i Partisë Demokratike, Edi Paloka ka zbuluar detaje nga Kuvendi i 30 prillit ku demokratët do të zgjedhin strukturat drejtuese të partisë.
Paloka bën me dije se demokratët i ka kapur “halli” pasi në Pallatin e Kongreseve nuk ka vende për kërkesën e lartë të delegatëve që duan të marrin pjesë në Kuvend.
Reagimi nga Edi Paloka:
“Ne 18 dhjetor , L.B dhe ata qe e ndiqnin, morren njerez nga rruga, perfshi dhe socialiste, per te arritur qe te mbushnin sallen e Pallatit te Kongreseve aq sa u bene dhe barcalete me numrin e karrigeve dhe pjesmarresve.
Nderkohe ne na ka gjetur “belaja” se po na merziten njerzit pasi nuk kemi mundesi t’ju plotesojme deshiren per te qene te pranishem, te gjithe atyre qe kerkojne dhe e meritojne te jene ne kete Kuvend qofte edhe me ftese ( sepse numri i delegateve eshte i percaktuar)…!
Megjithate, ata ende vazhdojne e presin qe Rama t’ju ktheje vulen qe tek demokratet e kane humbur përfundimisht”
Detaje të reja janë mësuar në lidhje me Kuvendin e PD që do të mbahet nesër.
Faxnews mëson se do të marrin pjesë 1800 delegatë nga i gjithë vendi pasi në këtë Kuvend të jenë dhe anëtarët aktual të Këshillit Kombëtar.
Nesër pritet që të votohet për anëtarët e rinj të Këshillit Kombëtar. Parashikohet që votimi për anëtarët e rinj të Këshillit Kombëtar të nisë ne oren 13.00.
Do të ketë 20 foles, prej të cilëve figura të rikthyera në PD, themelues, personalitete nga jashtë dhe të rinj. nKuvendi do të propozoje ndryshime statutore dhe do të votojë për Këshillin e ri Kombëtar.
Kuvendi do të mbahet në ambientet e Pallatit të Kongreseve dhe pritet të nisë në orën 10:00.
