Ditën e sotme, ora 19:00 do të fillojë protetesta e thirrrur nga kreu I Partisë Demokratike, Sali Berisha.
Kryetari i Partisë Demokratike, Sali Berisha përsëriti edhe njëherë thirrjen për qytetarët që t’I bashkohen sot opozitës në shesh përpara kryeministrisë në protestën e parë kundër kreut të qeverisë, Edi Rama.
Ai evidentoi se si çdo protest edhe kjo e sotmja ka skenarin e vet
Cili është skenari i protestës?
Protesta ka skenarin e vet. E rëndësishme është që ne të japim mesazhin tonë të fuqishëm se shqiptarët nuk do ta tolerojnë më këtë regjim.
Do vijojnë protestat?
Kjo është protesta që inauguron procesin e largimit të Edi Ramës nga pushteti. Protestat ndalen vetëm atëherë kur realizojnë qëllimin e tyre madhor.
Kujtojmë që mëngjesin e sotëm në rrjetin social “Facebook”, , Berisha ka publikuar një video ku shihen disa punonjës që po punojnë për ‘fortifikimin’ e Kryeministrisë. Siç shihet edhe nga pamjet në fjalë, po punohet për mbrojtjen e fasadës para hyrjes së Kryeministrisë, e cila është rrethuar dhe salduar me një shtresë për ta mbrojtur nga goditjet, nëse do të ketë.
Përgjatë protestës së sotme do të angazhohen rreth 1000 efektivë në terren, ndërsa në gatishmëri do të jenë edhe Forcat e Ndërhyrjes së Shpejtë dhe atyre RENEA. Gjithashtu në kuadër të këtyre masave do të ndalohet qarkullimi pas orës 16:00 tek të gjitha rrugët që të çojnë drejt Bulevardit ‘Dëshmorët e Kombit”.
