Zbardhet Ngjarja e rëndë në qytetin bregdetar të Sarandës ku mbeti i vrarë një 41- vjeçar pasi u godit me thikë në zemër nga një i ri. 41-vjeçari Klodian Bakiaj nga Tepelena ishte viktima i cili pas një sherri për motive banale, parkimin e makinës, është konfliktuar me 2 vëllezër 24 dhe 18 vjeç nga Laçi. Mësohet se viktima ka tentuar të parkojë mjetin përballë hotelit, ku ishin të punësuar dy vëllezërit Xhanielo dhe Xhoi Tarja. Fillimisht me Bakiajn është konfliktuar 18 vjeçari, verbalisht e më pas fizikisht me grushte. Ndërkohë në ato momente 24-vjeçari pasi ka parë skenën ku i vëllai po zihej me grushte, ka shkuar në kuzhinën e hotelit dhe ka marrë një thikë. Më pas ka dalë duke e goditur menjëherë në zemër 41-vjeçarin nga Tepelena, i cili nuk mundi ti mbijetonte plagës së marrë. Dy vëllezërit kishin ardhur nga Laçi dhe punonin si kamarierë tek hoteli ku ndodhi dhe ngjarja, i cili ishte në pronësi të burrit të vajzës së dajës së tyre. Pas krimit të rëndë 2 vëllezërit mësohet se kanë zbritur në një ngushticë poshtë hotelit dhe janë strehuar në një bodrum, por janë lokalizuar nga policia dhe arrestuaar më pas. Ndërkohë në Komisariat ata kanë shprehur pendesë për ngjarjen e rëndë.
