Ditën e sotme nis viti i ri akademik. Në universitetin e Korçës të gjithë studentët do të pranohen në auditore pavarësisht nëse e kanë bërë apo jo vaksinën. Një pjesë e konsiderueshme e tyre janë shprehur të vendosur për të mos u vaksinuar.
“Kam frikë, nuk i besoj vaksinës prandaj nuk e kam bërë. Askush nuk na jep informacion”– u shpreh një nga studentet.
“Edhe me detyrim nuk do e bëja”-tha një tjetër.
Nga ana tjetër një studente është se i ka marrë të dyja dozat e vaksinës.
“Kam bërë dozën e dytë të hënën e kaluar por prapë nuk e di se cfarë mund të ndodhë. Nuk kam bërë asnjë vaksinë, kemi lexuar ca gjëra që janë negative për të, megjithatë mendoj se nuk duhet të jetë me detyrim sepse për shëndetin tim unë bëj çfarë dua”- u shprehën studentët.
Zv.rektori i Universitetit të Korçës, Artir Adili është shprehur në një deklaratë për mediat se të gjithë studentët do të vaksinohen në ditët në vazhdim. Aktualisht nuk ka një përqindje të saktë të studentëve të vaksinuar.
“Në lidhje me studentët e pavaksinuar janë dy qendra vaksinimi, pjesa më e madhe e kanë marrë dozën e parë, ata të pavaksinuarit do futen duke respektuar masat anti-Covid, pra të pajisur me maskë. Me kalimin e kohës duhet të vaksinohen të gjithë, normalisht nuk i vaksinojmë dot brenda ditës dhe nuk mund ti penalizojmë për mësimin”-tha ai.
