Ditën e sotme policia e Vlorës ka ndërmarrë aksione të shumta në bllokimin e mjeteve lundruese që nuk kanë dokumentacion dhe të atyre që kryejnë veprime jasht rregullave të përcaktuara. U desh që të sakrifikohej një vogëlushe 7-vjeçare që të ndërmerrej ky vendim nga ana e forcave policore. Nuk është e drejtë që të kemi një martir gjithmonë dhe më pas të fillojnë veprimet, të cilat shpresojmë që të mos jenë thjesht një shoë për të mbyllur gojën e mediave dhe qytetarëve. Rreziku që vjen nga motorrët e ujit ka qenë dhe është evident në bregdetin shqiptar. Por u deshën ngjarjet e një pasnjëshme, u desh që vogëlushja 7-vjeçare të vritej tragjikisht nga skafi në bregun e plazhit të Potamit në Himarë, që policia të “bëhej e gjallë” dhe të kujtohej për rrezikun që vjen nga motorët dhe mjetet e tjera lundrueses.
Mësohet se gjatë kontrolleve të fundit për Jet Ski, gomone, skafe e varka janë gjetur shumë prej tyre me shkelje në dokumentacionin përkatës.
Vetëm sot në Vlorë mësohet se janë bllokuar 33 dokumentacione, me qëllim verifikimin e tyre nga policia kufitare dhe ajo e rendit. Deri në verifikimin e plotë, dokumentacionin për mjetet lundruese nuk do të kthehen tek pronarët. Kështu rrjedhimisht as motorët e ujit nuk do të lundrojnë dot.
Kontrollet e policisë Kufitare janë shtrirë në të gjithë vijën bregdetare nga Vlora deri në Sarandë. Vetëm në Vlorë janë tre pika të bllokimit, në Tripot, Zvërnec dhe në pikën e Delta Force në Rradhimë dhe në Portò Palermo Himarë.
