Gjermania nëpërmjet ministrit të Ekonomisë ka akuzuar gjigantin rus të energjisë Gazprom për një “sulm” ndaj kombit të tij pasi reduktoi furnizimin e tij me gaz në Evropë.
“Reduktimi i dërgesave të gazit përmes gazsjellësit Nord Stream 1 është një sulm ndaj nesh, një sulm ekonomik ndaj nesh”, tha Robert Habeck në një fjalim në një konferencë të industrisë gjermane.
Ndërkohë kujtojmë se gjigandi rus Gazprom tha javën e kaluar se do të reduktonte furnizimet me karburant në Gjermani nëpërmjet tubacionit për shkak të riparimeve të vonuara, por këtë veprim nga pala ruse qeveria gjermane e ka quajtur si ‘sulm politik’ dhe sipas saj kjo vjen për shkak të mbështetjes që ka dhënë për Ukrainën pas pushtimit të Putinit.
Si rezultat i ndërprerjes, Gjermania, Austria dhe Holanda për të reduktuar konsumin e gazit të detyruar vendosë të riaktivizojnë termocentralet e qymyrit, i cili shkakton më shumë ndotje atmosferike.
Gjermania gjithashtu si një masë shtesë për situatën e paqëndrueshme ka mandatuar mbushjen e rezervave të gazit në 90% përpara dimrit evropian, për t’u mbrojtur kundër një reduktimi të mëtejshëm të furnizimit.
“Kur ne shkojmë në dimër me dyqanet e gazit gjysmë të mbushura dhe rubinetat e mbyllur, atëherë ne po flasim për një krizë të vështirë ekonomike në Gjermani. Presidenti rus Vladimir Putin ka kërkuar të “krijojë kaos” në tregjet evropiane të gazit duke ndërprerë furnizimin me Poloninë dhe Bullgarinë midis vendeve të tjera evropiane”, theksoi Habeck.
Aktualisht, kapaciteti i ruajtjes së gazit në Gjermani është pak më pak se 60% i plotë, ndërsa Habeck bën thirrje për “diversifikimin” e furnizuesve të lëndëve të para dhe energjisë për të arritur “pak pavarësi nga synimet keqdashëse të diktatorëve të botës”.
Akuzat për një sulm me ndërprerjen e karburantit në Evropë vijnë pasi Rusia u zotua të hakmerret kundër Lituanisë me masa që “do të kenë një ndikim serioz negativ në popullsinë lituaneze”, pasi vendi baltik bllokoi mallrat e sanksionuara nga BE për të arritur në enklavën ruse të Kaliningradit. Kujtojmë se dhe Gjermania është bërë pjesë si shumica e shteteve europian në sanksionimin e mallrave rus si dhe ka dërguar municione luftarake në Ukrainë.
