Kryeministri Edi Rama ka ndarë foto nga takimi me kryeministrin e Hollandës, Mark Rutte në selinë e Kombeve të Bashkuara. Rama ka treguar se Rutte do të vizitojë Shqipërinë në 10 nëntor, për të nisur formalisht negociatat për anëtarësimin në BE.
“Në selinë e OKB me kryeministrin e Mbretërisë së Hollandës, Mark Rutte, i cili do të vizitojë Shqipërinë në 10 nëntor, për të rikonfirmuar mbështetjen e plotë të Hollandës për nisjen formale të negociatave për anëtarësim në Bashkimin Europian”, shkruan kryeministri Rama në një postim në Facebook.
Kjo do të jetë hera e parë që Rutte do të zhvilllojë një vizitë në Shqipëri, ndërsa kujtojmë që Hollanda ka mbajtur qëndrim skeptik më shumë se një herë sa i përket hapjes së negociatave për Shqipërinë, duke thënë se vendi nuk është ende gati.
Ndërkohë, një tjetër lider europiane vizitoi këtë muaj Shqipërinë. Më 14 shtator kancelarja gjermane Angela Merkel erdhi në Tiranë, në atë që ishte vizita e fundit e saj në Shqipëri para se t’i japë fund detyrës si kancelare. Ajo u takua me liderët e Ballkanit Perëndimor, ndërsa shprehu mbështetje për proceset e integrimit, duke shtuar se veç saj, rajoni ka shumë miq në Europë, nd♪7r to Emmanuel Macron dhe kancelari austriak Sebastian Kurz.
