Një aksion i madh që ka të bëjë me veprat penale në fushën e farmaceutikës, po zhvillohet nga Prokuroria e Tiranës dhe Policia e Shtetit. Burime bëjnë me dije se janë arrestuar disa persona nga policia.
Gjithashtu mësohet se hetimet kanë nisur disa muaj më parë nga Prokuroria e Tiranës në bashkëpunim me Policinë e Shtetit.
Sipas informacioneve mësohet se prokuroria ka lëshuar 6 urdhër arreste dhe bëhet me dije se të gjithë janë ekzekutuar nga Policia e Shtetit. Mësohet se personat të cilët kanë rënë në prangat e Policisë nuk kanë bërë regjistrime të medikamenteve që kanë marrë.
Si u tha edhe më lartë hetimet për këtë skemë abuzive kanë nisur disa muaj më pare nga prokuroria e Tiranës, ku Policia e Shtetit ka ushtruar kontrolle në 6 depo farmaceutike.
Po ashtu gjatë zhvillimit të hetimeve nga Policia e Shtetit, dikasteri i krimit ekonomik ka kryer kontrolle në hyrje daljet në doganë por edhe shitjet që janë bërë, e nga kontrollet rezulton se është shkaktuar një dëm i madh ekonomik.
Informacione më të detajuara pritet të dalin në orët në vijim në lidhje me këtë operacion të madh i cili po zhvillohet nga Policia e Shtetit në bashkëpunim me Prokurorinë e Tiranës.
