- Reklamë -spot_img
24.5 C
Tirana
Faqja kryesoreRajoni - BotaBota“Po luani lojë shahu me vdekjen”, ish-presidenti rus kërcënon perëndimin

“Po luani lojë shahu me vdekjen”, ish-presidenti rus kërcënon perëndimin

- Reklamë -spot_img

Ish-presidenti rus Dmitry Medvedev ka lëshuar deklarata të forta ndaj shteteve perëndimore.

Ai ka akuzuar Perëndimin se po luan një “lojë shahu me vdekjen” në mbështetje të Ukrainës.

Në një postim në Vkontake, rrjeti social më i madh rus, Medvedev, i cili tani shërben si zëvendëskryetar i Këshillit të Sigurimit të Rusisë, akuzoi vendet perëndimore se po përpiqen të përfitojnë nga konflikti për ta shtyrë Rusinë në “një raund të ri shpërbërjeje”.

“Të bëjmë gjithçka që institucionet shtetërore të Rusisë të ndalojnë së punuari,” tha ai. “Të privosh vendin nga qeverisja efektive, siç ishte në vitin 1991. Dhe, si rezultat, të eliminosh Rusinë nga fusha politike”.

Ai shtoi se “përpjekjet e tilla janë vërtet jashtëzakonisht të rrezikshme” sepse ato “injorojnë një aksiomë të thjeshtë: shpërbërja e dhunshme e një fuqie bërthamore është gjithmonë një lojë shahu me vdekjen”.

Ai gjithashtu e përshkroi arsenalin bërthamor të Rusisë si “garancia më e mirë e ruajtjes së Rusisë së Madhe”.

Kujtojmë se më herët  zëvendës shefi i Inteligjencës Ushtarake të Ukrainës Vadym Skibitsky tha se Ukraina po humbet në vijën e frontit dhe se tani çdo gjë varet ekskluzivisht nga armët dhe nga Perëndimi për t’a mbajtur Rusinë larg: “Kjo tani është një luftë artilerie. Frontet janë tani vendi ku do të vendoset e ardhmja dhe ne po humbasim në aspektin e artilerisë. Gjithçka tani varet nga ajo që na jep Perëndimi”.

- Reklamë -spot_img

Duhet lexuar

- Reklamë -spot_img

Artikuj te ngjashëm

- Reklamë -spot_img

PËRGJIGJU

Ju lutem shkruani komentin tuaj!
Ju lutem shkruani emrin tuaj