- Reklamë -spot_img
21.5 C
Tirana
Faqja kryesoreAktualitetMinistria e Mbrojtjes: Janë eliminuar dy vatra, situata paraqitet e vështirë në...

Ministria e Mbrojtjes: Janë eliminuar dy vatra, situata paraqitet e vështirë në Kukës

- Reklamë -spot_img

Ministria e Mbrojtjes ka dal me një njoftim zyrtar lidhur me situatën me zjarret në vendin tonë. Ministria në deklaratën e saj të radhës ka njoftuar se është eleminuar rreziku nga vatrat e zjarrit në Dukat dhe Gjirin e Gramës. Gjithashtu njofton se po vazhdon puna për izolimin e plotë të flakëve në të gjithë sipërfaqen e prekur në Gadishullin e Karaburunit, në qarkun e Vlorës.

Gjithashtu bën me dije se një vatër zjarri është raportuar edhe në Kepin e Rodonit në Durrës, për të cilën sipas Ministrisë së Mbrojtjes po vazhdon puna për ta vënë nën kontroll nga forcat e terrenit. Ndërsa situata vazhdon të paraqitet e vështirë në Majën e Rrunës në Kukës, për shkak edhe të terrenit të vështirë, forcat zjarrfikëse po punojnë për të mos lejuar përhapjen e flakëve në zonat e banuara.

Njoftimi i Ministrisë së Mbrojtjes:

Gjithashtu është shuar zjarri pranë pikës kufitare Rips në fshatin Livadhja, në bashkinë Finiq, duke shmangur rrezikun për banesat.

Zjarri në fshatin Gjorgos, njësia administrative Cakran, bashkia Fier po mbahet nën kontroll, ndërsa ka vijuar puna me helikopterin çek për shuarjen përfundimtare të tij.

Në Kepin e Rodonit, në Durrës është raportuar një vatër zjarri, për të cilën po vijon puna për vënien nën kontroll nga forcat në terren. Nuk paraqitet rrezikshmëri.

Një vatër zjarri në një sipërfaqe me shkurre dhe ferra është raportuar në malin e Xhyrës, në bashkinë e Librazhdit. Ai po shuhet nga forcat zjarrfikëse të bashkisë.

Zjarri në fshatin Thirrë, njësia administrative Fan, bashkia Mirditë ka vijuar të zgjerojë perimetrin, duke shkaktuar tym në të gjithë kodrën. Forcat po punojnë për të ndërprerë vijën e zjarrit në afërsi të rrugëve të fshatit. Ndërkaq është izoluar plotësisht zjarri në fshatin Munellë-Domgjon, bashkia Mirditë.

Vijon të paraqitet e vështirë ndërhyrja për shkak të terrenit në Majën e Rrunës, në Kukës, ku forcat po punojnë për të mos lejuar përhapjen e flakëve në zonat e banuara.

Nën kontroll mbeten flakët në fshatin Klysyrë të bashkisë Tropojë si dhe në Vermosh të Malësisë së Madhe.

- Reklamë -spot_img

Na Ndiqni

752FansaPëlqeje
19,500NdjekësNdiqe

Duhet lexuar

- Reklamë -spot_img

Artikuj te ngjashëm

- Reklamë -spot_img

PËRGJIGJU

Ju lutem shkruani komentin tuaj!
Ju lutem shkruani emrin tuaj