- Reklamë -spot_img
21.5 C
Tirana
Faqja kryesoreAktualitetManastirliu e prerë me studentët dhe stafin akademik: Duhet të vaksinohen, çfarë...

Manastirliu e prerë me studentët dhe stafin akademik: Duhet të vaksinohen, çfarë ndodh në të kundërt

- Reklamë -spot_img

Ministrja e Shëndetësisë, Ogerta Manastirliu, ka inspektuar ditën e sotme në qendrën shëndetësore nr.4 në Tiranë. Nga aty ajo ka një apel për të gjithë pedagogët, mësuesit dhe studentët. Manastirliu iu ka bërë thirrje të gjithëve që të shfrytëzojnë muajin e hapur të vaksinimit për t’u vaksinuar. Po ashtu ajo ka bërë me dije se duke filluar nga dita e hënë do të lëshojë udhëzime të cilat do të ndiqen për të gjithë ata personat të cilët kanë kryer  vaksinimin.

“Duke filluar edhe nga dita e hënë, ne do të lëshojmë udhëzimin që do të ndiqet për të verifikuar ata që kanë kryer vaksinimin, duke filluar nga arsimtarët. Urdhri përmban të gjithë vendimet që ka marrë Komiteti Teknik i Ekspertëve, i cili përcakton që vetë institucionet shkollore, do duhet që të kontrollojnë nërpërmjet mekanizmave që do të ngrenë, të gjithë çertifikatat e vaksinimit për personelin që do të jetë në shkolla dhe gjithashtu duke filluar nga data 11 tetor edhe për studentët”, nënvizoi Manastirliu.

Më tej Mansatirliu ka paralajmëruar se të gjithë ata që nuk kanë çertifikatën e vaksinimit do të duhet ët paraqesin testin e përjavshëm . Kjo vlen për të gjithë studentët e pavaksinuar që duan ët marrin pjesë në auditorë.

“Për arsimatarë të cilët ende nuk e kanë kryer vaksinimin, do të duhet të paraqesin pranë institucioneve shkollore testin dhe të konfirmojnë që nuk janë të prekur nga COVID19 dhe kjo kërkesë do të jetë kërkesë e përjavshme. Nga ana tjetër, vetë universitetet do të organizojnë mësimin e alternuar për ata studentë të cilët nuk do të kenë kryer ende vaksinimin”, tha Manastirliu.

Manastirliu ka treguar se interesi i shtuar në muajt e hapur të vaksinimit  nga arsimtarët e ka çuar në mbi 80% vaksinimin e tyre me një dozë dhe mbi 60% me dy doza, duke paraqitur mbulesë të lartë vaksinale.

“Në këto dy muaj kemi pasur një interes të shtuar sa i përket vaksinimit, edhe shihet që ka një interes të shtuar të studentëve. Përsa i përket arsimtarëve, janë mbi 80% e tyre që e kanë kryer dozën e parë të vaksinës, edhe mbi 60 përqind e tyre janë vaksinuar plotësisht, padyshim janë shifra inkurajuese”, tha Manastirliu.

- Reklamë -spot_img

Na Ndiqni

752FansaPëlqeje
19,500NdjekësNdiqe

Duhet lexuar

- Reklamë -spot_img

Artikuj te ngjashëm

- Reklamë -spot_img

PËRGJIGJU

Ju lutem shkruani komentin tuaj!
Ju lutem shkruani emrin tuaj