Italia ka miratuar një draft të ri, që u vjen në ndihmë emigrantëve që punojnë atje. Ligji ka si synim lehtësimin e marrjes së lejes së qëndrimit.
Nëpërmjet këtij ligji të ri, përfitojnë edhe shumë shqiptarë që punojnë përtej Adriatikut. Të gjithë emigrantëve lejohet konvertimi i lejes së qëndrimit për motive të tjera, në leje qëndrimi për motive pune. Këtu përfshihen lejet e qëndrimit të lëshuara për motive fatkeqësie natyrore, për mbrojtje special, aktivitet sportive, artistik, motive fetare e asistencë për minorenët.
Drafti jep të drejtën për dhënien e lejes së qëndrimit, edhe për motive të mbrojtjes sociale ndaj emigrantëve, riatdhesimi i të cilëve do u shkaktonte trajtim jo human e degradues të jetës së tyre private e familjare.
Ministrja e bujqësisë në Itali Teresa Bellanova është shprehur e kënaqur për këtë normativë të re ligjore.
“Më në fund i kemi dhënë fund jo qytetarisë së draft-ligjeve të sigurisë së Salvinit, duke vendosur kushte të civilizimit juridik dhe të drejtësisë sociale. Mbyllëm një faqe të errët të historisë italiane që për një normativë të gabuar kishte hedhur hije ndaj mijëra grave e burrave duke i transformuar në klandestinë”, tha ajo.
/GazetaReforma.com/
