- Reklamë -spot_img
24.5 C
Tirana
Faqja kryesoreAktualitetLamtumira e fundit, në ceremoninë në nder të Mbretëreshës marrin pjesë Presidenti...

Lamtumira e fundit, në ceremoninë në nder të Mbretëreshës marrin pjesë Presidenti i Shqipërisë dhe i Kosovës

- Reklamë -spot_img

Këtë të hënë Mbretëresha Elizabeth II do të përcillet për në banesën e fundit në Londër përmes një ceremonie shtetërore. Axhenda e ditës së sotme përmban disa ceremoni deri në përcjelljen në banesën e fundit ku trupi i mbretëreshës do të pushojë pranë bashkëshortit të saj të ndjerë, Princit Philip në faltoren e Shën Xhorxhit. Mëngjesin e sotëm, arkivoli me trupin e pajetë të monarkes më jetëgjatë britanike u nis për në rrugëtimin e saj të fundit: fillimisht arkivoli u dërgua në Kishën e Uestministerit, ku do të mbahet një shërbesë fetare në të cilin marrin pjesë mijëra persona, më pas në Kështjellën Uindsor për një shërbim më privat.

Mësohet se gjatë ceremonisë do të jenë të pranishëm dhe Presidenti i Shqipërisë Bajram Begaj dhe  Presidentja e Kosovës, Vjosa Osmani.

Dita e varrimit pritet të jenë emocionale për shumë britanikë dhe ceremoni të tilla varrimi shtetëror Britania nuk ka organizuar qe 60 vjet, përkatësisht që nga varrimi i Ëiston Churchill.

Qindra mijëra persona pritet të dalin në rrugët e Londrës nëpër të cilat do të kalojë arkivoli i Mbretëreshës, për t’i dhënë lamtumirën e fundit monarkes. Ndërkaq, miliona të tjerë në mbarë botën pritet të përcjellin ceremoninë mortore përmes transmetimeve të drejtpërdrejta.

Kisha e Uestministerit, ku do të mbahet shërbesa fetare, është vendi ku janë kurorëzuar mbretërit e mbretëreshat e Britanisë, përfshirë edhe Elizabeth II më 1953. Në këtë kishë ajo po ashtu ishte martuar me Princin Philip më 1947.

- Reklamë -spot_img

Duhet lexuar

- Reklamë -spot_img

Artikuj te ngjashëm

- Reklamë -spot_img

PËRGJIGJU

Ju lutem shkruani komentin tuaj!
Ju lutem shkruani emrin tuaj