Kryetari i Partisë Demokratike Sali Berisha zhvilloi një takim me shoqërinë civile. Në këtë tryezë kanë qenë të ftuar personalitete nga të gjitha fushat, të cilët mbrojnë kauza të ndryshme të cilat prekin jetën e qytetarëve . Në tavolinë kishte disa gtë ftuar nga bota e medias , ndër të cilat pjesë e tavolinës së bisedës ka qenë edhe gazetarja Sonila Meço.
Meço gjatë bisedës kur po diskutohej mbi shpopullimin e Shqipërisë, krizën e çmimeve dhe varfërinë, bëri një konstatim tepër të rëndësishëm duke kërkuar një përgjigje nga ish-kryeministri Berisha
“Duhet t’i thoni shqiptarëve ku do t’i gjeni paratë për të kompensuar këtë rritje të çmimeve…Troç, duhen alternativa…”, u shpreh gazetarja e njohur.
“Momentet që flasim Anglia ka dalë në protestë, e paimagjinueshme, protestohet kundër menaxhimit të kostove të jetesës nga ana e qeverisë, në Bullgari po bie një qeveri për shkak të inflacionit. Nuk ka përgjigje tjetër përveç mobilizimit total të të gjithëve, por në këtë mobilizim që është në sipërfaqe doktor duhet alternativa. Troç, doktor duhet t’i thoni shqiptarëve ku do t’i gjeni paratë që do kompesoni këtë të rritje çmimesh, do të shkoni te biznesi i madh, do rrisni taksat, çfarë do bëni doktor? Troç duhet t’i jepni shqiptarëve alternativën. Mobilizim dhe alternativë dy rrugë ka”, shtoi Meço.
