Kryesia e Forumit Rinor të Partisë Demokratike ka kërkuar që të mbahet një referendum Brenda partisë në lidhje me vendimin e kryedemokratit Lulzim Basha, për përjashtimin e ish-kryeministrit Sali Berisha nga grupi parlamentar. Ata i kanë drejtuar një shkresë Sekretarit të Përgjithshëm, Gazment Bardhi, kreut të Këshillit Kombëtar, Edi Paloka dhe kryesisë së partisë ku parashtrojnë kërkesën e tyre.
Me sa duket, anëtarët e Kryesisë së PD nuk kanë qenë dakord me vendimin e Bashës për përjashtimin e Berishës dhe kanë kërkuar që të organizohet një referendum ku të pyeten të gjithë anëtarët e PD në Shqipëri.
Në kërkesë thuhet ndër të tjera se vendimi i Bashës është shkelje e plotë e statutit, vlerave dhe parimeve të Partisë Demokratike se dhe sjellë rrezik përçarje të thellë dhe të parikuperueshme.
Vihet re se mes atyre që e kanë firmosur kërkesën, është Glauk Olldashi, djali i ish-deputetit të ndjerë të PD, Sokol Olldashi.
Kujtojmë që kreu democrat Lulzim Basha, mori vendimin për të përjashtuar ish-kryeministrin Sali Berisha nga grupi parlamentar i PD, një ditë para nisjes së punimeve për Kuvendin e ri. Berisha nuk ra aspak dakord me këtë vendin dhe reagoi ashpër, duke thënë se Basha kishte bashkëpunuar me Edi Ramën.
