Ditën e sotme kreu i PD Sali Berisha ka zhvilluar një takim me ekspertë dhe përfaqësues të biznesit ka folur në lidhje me çmimet e larta në vendin tonë. Gjatë fjalës së tij ai ka kritikuar qeverinë, pasi sipas tij nuk ka marrë masa për të ndihmuar qytetarët në këtë kohë krize. Gjithashtu Berisha është shprehur në lidhje me fjalimet e Ramës kundrejt SPAK të cilat kreu i PD i argumenton si kthim përgjigjeje ndaj sulmeve kundrejt vëllait të kryeministrit, Olsi Rama, për të cilin pretendon se është i lidhur me skemat e Call Center-ave.
“I vërsulet me tërbim ndaj SPAK, e dini pse. Sepse është Olsi Rama i lidhur me skemat e tmerrshme të call centerave. Është hetim ndërkombëtar ai. Dhe tani duhet të shkatërrojmë, për mua ta shkatërrojnë sepse që në fillim është ndërtuar si njësi e partisë, por beteja që i bëhet, sepse ka rrezik që hetimi ndërkombëtar të përqendrohet te Olsi Rama, bashkë me këtë Strakoshën pasi ka dhe të tjerë në këtë lojë të pistë të plaçkitjeve të tmerrshme. Shteti nuk ekziston, institucionet nuk ekzistojnë. Është i domosdoshëm veprimi qytetar. Pa veprim qytetar ne nuk mund të zgjidhim problemin. Kjo është e vërteta.”, tha Berisha.
