- Reklamë -spot_img
-1.5 C
Tirana
Faqja kryesoreAktualitetKLP, miratohen ndryshime në disa prokurori të vendit

KLP, miratohen ndryshime në disa prokurori të vendit

- Reklamë -spot_img

Ditën e sotme Këshilli i Lartë i Prokurorisë miratoi në mbledhjen e sotme ndryshimet e fundit në disa prokurori të vendit. Irena Çunoti u caktua prokurore e përkohshme në Prokurorinë e Korçës. KLP ka pranuar dorëheqjen e Maksim Sotës, vendim i cili hyn në fuqi në 31 janar.

Kledian Llaho transferohet përkohësisht nga Prokuroria e Vlorës në atë të Sarandës.

Në këtë mbledhje u diskutua dhe shqetësimi për numrin e pakët të prokurorëve për shkak të procesit të vettingut. Anëtarët e KLP kërkuan që të veprohet më me kujdes me vendimet transferimeve dhe emërimeve të përkohshme të prokurorëve për të mos rënduar ngarkesën e prokurorëve.

Gjithashtu, u vendos dhe nisje e procedimit disiplinor për dy prokurorë, emrat e të cilëve nuk janë publikuar.

NJOFTIM I I KLP:

Këshilli i Lartë i Prokurorisë zhvilloi sot, më 14.01.2022, mbledhjen plenare të radhës në praninë e të gjithë anëtarëve.

Me votë unanime, Këshilli vendosi caktimin e përkohshëm të znj. Irena Çunoti, prokurore në Prokurorinë pranë Gjykatës së Shkallës së Parë Korçë, në Prokurorinë pranë Gjykatës së Apelit Korçë, për periudhën nga 20.01.2022 – 19.04.2022.

Këshilli vijoi me vendimin për miratimin e raportit për analizimin e aftësive profesionale të subjektit të rivlerësimit, znj. Vitjuna Mata, prokurore në Prokurorinë pranë Gjykatës së Shkallës së Parë Vlorë, e cila aktualisht është e komanduar pranë Këshillit të Lartë të Prokurorisë. Një kopje e këtij Raporti i dërgohet Komisionit të Pavarur të Kualifikimit dhe Operacionit Ndërkombëtar të Monitorimit.

Bazuar në kërkesën për dorëheqje nga detyra të z. Maksim Sota, prokuror në Prokurorinë pranë Gjykatës së Shkallës së Parë Vlorë, paraqitur pranë KLP më datë 13.12.2021, Këshilli vendosi deklarimin e mbarimit të statusit të magjistratit për shkak dorëheqjeje. Dorëheqja jep efekt më datë 31.01.2022.

Me propozim të Komisionit për Zhvillimin e Karrierës, Këshilli vendosi me 10 (dhjetë) vota pro dhe 1 (një) kundër (z. Sokol Stojani), transferimin përkohësisht me pëlqimin e tij, tëz. Kledian Llaho, prokuror në Prokurorinë pranë Gjykatës së Shkallës së Parë Vlorë, në Prokurorinë pranë Gjykatës së Shkallës së Parë Sarandë, për një periudhë njëvjeçare.

Gjatë diskutimeve, anëtarët prokurorë z. Sokol Stojani dhe z. Zeqir Hoda kanë ngritur shqetësimin për numrin e vakancave në sistem të shkaktura nga procesi i vettingut, i cili ka arritur në 120 prokurorë. Ky fakt e vështirëson ndjeshëm funksioninin e zyrave të prokurorisë. Për këtë arsye, ata i kërkuan Këshillit, të jetë i kujdesshëm me përdorimin e instrumenteve në dispozicion, si emërimi, caktimi i përkohshëm dhe transferimi i përkohshëm me pëlqim i prokurorëve brenda sistemit të prokurorisë. Kjo, për të mos ndikuar negativisht në punën e prokurorëve dhe në përballimin e ngarkesës, shkaktuar nga numri i madh i dosjeve.

Duke ndarë të njëjtin shqetësim, Kryetari i KLP-së, z. Gent Ibrahimi deklaroi se, përballë kësaj situate të vështirë, Këshilli ka patur për detyrë të garantojë funksionalitetin e zyrave të prokurorisë në vend, duke përdorur me efikasitet dhe në mënyrë proporcionale, të vetmet instrumente ligjore që ka në dispozicion, me qëllim menaxhimin e vakumit të madh të krijuar në sistem nga pasojat e vettingut.

Me propozim të Komisionit Disiplinor, Këshilli caktoi datën 07.02.2022, ora 11.00, si datë për zhvillimin e seancës dëgjimore për procedimin disiplinor në ngarkim të magjistratit {…}, me detyrë prokuror në Prokurorinë pranë Gjykatës së Rrethit Gjyqësor {…}, dhe magjistratit {…} me detyrë prokuror në Prokurorinë pranë Gjykatës së Rrethit Gjyqësor {…}.

Për të dy magjistratët në fjalë, Zyra e Inspektorit të Lartë të Drejtësisë ka propozuar masën disiplinore “Vërejtje publike”, parashikuar nga neni 107, i ligjit nr. 96/2016 “Për statusin e gjyqtarëve dhe prokurorëve në Republikën e Shqipërisë”, i  ndryshuar.

Bazuar në kërkesën, paraqitur Këshillit më datë 01.12.2021 nga z. Petrit Bica, Këshilli i Lartë i Prokurorisë vendosi me 10 (dhjetë) vota pro dhe 1 (një) kundër (znj. Esmeralda Keshi), miratimin e pensionit të parakohshëm për z. Petrit Bica, prokuror në Prokurorinë pranë Gjykatës së Shkallës së Parë Tiranë, njëkohësisht dhe mbarimin e statusit të magjistratit për prokurori në fjalë, më datë 31.01.2022. Në vendimin e miratuar përcaktohet se pensioni i parakohshëm për z. Petrit Bica, është një pension pleqërie i reduktuar dhe mbetet i reduktuar gjatë gjithë kohës së përfitimit, deri në datën 10.05.2025, kur subjekti plotëson afatin për përfitimin e pensionit të plotë të pleqërisë.

Lidhur me një pikë tjetër të rendit të ditës, Këshilli vendosi të shtyjë miratimin e Rregullores për “Standardet e etikës dhe rregullave të sjelljes së prokurorit”, për ta konsultuar me trupën e prokurorëve në sistem.

- Reklamë -spot_img

Na Ndiqni

752FansaPëlqeje
19,500NdjekësNdiqe

Duhet lexuar

- Reklamë -spot_img

Artikuj te ngjashëm

- Reklamë -spot_img

PËRGJIGJU

Ju lutem shkruani komentin tuaj!
Ju lutem shkruani emrin tuaj