- Reklamë -spot_img
21.5 C
Tirana
Faqja kryesoreAktualitetEkskluzive/ Denoncimi i qytetares, si po nxirren në rrugë banorët nga pallati...

Ekskluzive/ Denoncimi i qytetares, si po nxirren në rrugë banorët nga pallati në Tiranë

- Reklamë -spot_img

Vitet e fundit Tirana është bërë një kantier i madh betoni, nga ku janë ngirtur dhjetra kulla disa katëshe, por njerëzit kanë mbetur në rrugë. I tillë është edhe rasti që është denoncuar në Gazetën Reforma, ashtu siç është ngritur si problem edhe publikisht. Duke qenë se institucionet shqiptare nuk i hapin asnjëherë dyert për problemet e qytetarëve, rrjetet sociale dhe liderët e huaj janë e vetmja hapësirë ku qytetarët mund të shprehen. I tillë është edhe rasti i Evis Schroder, e cila ka bërë denoncimin e saj në Gazetën reforma, ashtu siç i është drejtuar publikisht me anë të një letre edhe kryeministrit hollandez, Mark Rutte.

Schroder tregon për Gazetën Reforma se familja e saj dhe banorët po nxirren nga pallati ku banojnë, pasi ishin njoftuar vetëm 4 ditë më parë. E gjithë kjo po ndodh për arsyen se në vend të ndërtesës në fjalë, aty do të ndërtohet një pallat 15-katësh. Ngjarja po ndodh në rrugën “Ymer Kurti” në Tiranë, dhe banorët janë lajmëruar vetëm të premten që duhet të lënë shtëpitë e tyre deri ditën e hënë.

Ajo thotë se, se në pallat jetojnë 20 familje, të cilat kanë një jetë që banojnë aty, të cilat papritur do të mbeten në mes të katër rrugëve, pa asnjë shpjegim e mbi të gjitha pa asnjë mbështetje ekonomike.

Shembja e ndërtesës bëhet me pretendimin se ka pësuar dëmtime nga tërmeti, por Schroder thotë se raportet për këtë nuk janë të vërteta, por edhe sikur të ishte, një zgjidhje duhej gjetur për banorët.

Zonja Schroder tregon se pallati nuk ka pasur mundësi të privatizohet (pasi është ndërtuar që herët nga italianët), por më vonë dolën edhe pronarë trualli. Këta të fundit e kanë shitur tokën tek Genci Osmënaj, i cili ka qenë i dënuar për trafik narkotikësh dhe ka pasur probleme të tjera me drejtësinë. Nga kërkimet rezulton se Genci Osmënaj është arrestuar në vitin 2014, nga Policia Kufitare e Rinasit, pasi ishte shpallur në kërkim për trafik droge. Me vendim të Gjykatës së Napolit, ai ishte dënuar me 7 vite burg për veprat penale “Pjesëmarrje në organizatë kriminale” dhe “Trafikim i lëndëve narktoike”

Mirëpo, Osmënaj disi ia doli që me pagesa korruptive ka falsifikuar raportet dhe ka paguar në Njësinë Nr.5 të Bashkisë që të aporovohet prishja e pallatit, me pretendimin se ka pasur dëmtime nga tërmeti.

Pra, historia përsëritet edhe njëherë në Tiranë, ku banorët nxirren në mes të rrugës për interesa të personave që kanë lidhje me krimin apo kanë mundësi të paguajnë në institucione që të marrin atë që kërkojnë. Ashtu siç ka ndodhur në jo pak raste të tjera, Bashkia e Tiranës po vepron pas shpinës së qytetarëve, duke i nxjerrë në mes të rrugës pa asnjë lajmërim.

Ndërkohë, që shteti shqiptar i ka braktisur qytetarët e vet, më poshtë po ju lëmë letrën e plotë të qytetares në fjalës, drejtuar kryeministrit hollandez Mark Rutte.

Letër e hapur Kryeministrit tim,

I dashur Z. Rutte,

Emri im është Evis Schroder, kam lindur në Shqipëri dhe jetoj në Holandë për 20 vjet. Unë kam të dy nacionalitetet, holandeze dhe shqiptare.

Unë po ju shkruaj këtë letër sepse zbulova nga llogaria IG e kryeministrit shqiptar z. Rama se ju do të vizitoni Shqipërinë gjatë muajit nëntor.

Në këtë rast do të doja t’ju kërkoja një favor të madh dhe një lloj ndihme pasi askush në Shqipëri nuk po e dëgjon zërin tim (përfshirë z. Rama ose ndonjë bashki ose parti politike)!

Unë do të doja që ju t’i tregonit z. Rama kur ta takoni se të drejtat e njeriut janë mbi çdo korrupsion dhe përfitime financiare në jetë!

Qeveria shqiptare nuk mund të luajë më me jetën dhe të ardhmen e njerëzve dhe nuk mund të mbështesë më korrupsionin. Sidomos pasi duan që Shqipëria të jetë pjesë e BE -së.

Kushtetutat e zotit Rama janë ato të korruptuarat që nuk kujdesen për asgjë tjetër përveç që të mbushin paketën e tyre në mënyrë të korruptuar (me para të zeza).

Nëna ime me 20 familje të tjera u hodhën në rrugë të hënën më 27 shtator 2021 (nga banesa e saj ku jeton për 40 vjet, familjet e tjera edhe më gjatë) vetëm brenda njoftimit të 4 ditëve.

Asgjë nuk i është ofruar asaj ose familjeve të tjera si një zgjidhje ku të shkojnë, duke u kërkuar atyre të marrin atë që munden nga apartamenti dhe të dalin në rrugë.

E gjithë kjo po ndodh kështu që ndërtesa e 3 kateve ku ata jetojnë mund të shkatërrohet dhe të ndërtojë një ndërtesë tjetër prej 15 katesh dhe meqenëse kjo ndërtesë ndodhet në zemër të Tiranës, ka para serioze të përfshira me ndërtesën e re. Ata nuk po ofrojnë asgjë për të gjitha këto familje edhe kur ndërtesa e re do të ndërtohet.

Të gjitha vendimet për të rrëzuar këtë ndërtesë dhe firmat nga institucionet e zotit Rama janë dhënë në mënyrë të korruptuar (përfshihen paratë e zeza). Raporte të rreme, etj. Prandaj banorët u informuan vetëm momentin e fundit të premten e kaluar pak para fundjavës, kështu që ata nuk kanë më kohë për të gjetur të drejtën pasi të hënën më 27 shtator ndërtesa po shembet.

Kjo është gjëja e fundit që duhet t’u ndodhë njerëzve në një vend që është aq i lartë sa të jetë pjesë e familjes së Bashkimit Evropian.

Këto familje me vështirësi mund ta gjejnë të drejtën më në një vend si Shqipëria ku mbizotëron korrupsioni! Por ndoshta një zë i vogël nga një vend si i yni, ku të drejtat e njeriut dhe jeta shoqërore janë aq të favorizuara, mund të shpëtojë disa jetë të hënën, më 27 shtator 2021 në Shqipëri.

Unë do të doja t’ju falënderoj në çdo rast dhe shpresoj që të ndodhë një mrekulli.

Me zemër të thyer.

 

Evis

- Reklamë -spot_img

Na Ndiqni

752FansaPëlqeje
19,500NdjekësNdiqe

Duhet lexuar

- Reklamë -spot_img

Artikuj te ngjashëm

- Reklamë -spot_img

PËRGJIGJU

Ju lutem shkruani komentin tuaj!
Ju lutem shkruani emrin tuaj