- Reklamë -spot_img
21.5 C
Tirana
Faqja kryesoreAktualitetEkskluzive/ Banorët e një tjetër pallati do nxirren në rrugë, Bashkia e...

Ekskluzive/ Banorët e një tjetër pallati do nxirren në rrugë, Bashkia e Tiranës mjaftohet me “një copë” letër

- Reklamë -spot_img

Një tjetër denoncim ka ardhur në Gazetën Reforma, sa i përket shembjes së pallateve që Bashkia e Tiranës po i bën pa ofruar asnjë zgjidhje për qytetarët që banojnë aty.

Njëjtë si denoncoi më parë qytetarja Evis Schroder, edhe një tjetër qytetar ka hasur të njëjtin problem dhe duket se Bashkia e Tiranës e ka vendosur si synim të nxjerrë në mes të katër rrugëve sa më shumë familje.

Bëhet fjalë për një pallat në rrugën “Viktor Hygo”, për të cilin është firmosur vendimi që të shembet me pretendimin se ka pësuar dëme nga tërmeti i 26 nëntorit. Por pallati në fjalë nuk ka asnjë dëmtim, siç tregon edhe qytetari që ka bërë denoncimin. Ai ka “fatin e keq” të jetë në një zonë të lakmuar nga shumë ndërtues, duke qenë se ndodhet shumë afër qendrës.

Banorëve nuk iu është dhënë asnjë shpjegim dhe nuk iu është ofruar asnjë mbështetje në momentin që do të jenë pa strehë. Atyre iu është dërguar vetëm një letër e firmosur nga Romina Kuko, ku bëhet me dije se pallati do të shembet dhe se Inspektoriati i Mbrojtjes së Territorit mund ta bëjë njoftimin vetëm 24 orë para se ta ndërmarrë këtë veprim.

Ky nuk është i vetmi rast që Bashkia e Tiranës po lë në mes të rrugës qytetarë në interes të njerëzve të caktuar. Siç denoncoi më parë edhe zonja Schroder, banorët po nxirren nga shtëpitë ku kanë jetuar prej vitesh dhe ndaj tyre nuk është ofruar asnjëlloj mbështetje.

 

 

 

- Reklamë -spot_img

Na Ndiqni

752FansaPëlqeje
19,500NdjekësNdiqe

Duhet lexuar

- Reklamë -spot_img

Artikuj te ngjashëm

- Reklamë -spot_img

PËRGJIGJU

Ju lutem shkruani komentin tuaj!
Ju lutem shkruani emrin tuaj