Në seancën e sotme parlamentare deputeti i PS, Erion Braçe është drejtuar ashpër ndaj ministres së Bujqësisë dhe Zhvillimit Rural, Frida Krifca gjatë seancës së sotme në kuvend.
Braçe deklaroi se do të vijonte të ngrinte zërin për fermerët pasi ishte ai që në fund do të kërkonte vota prej tyre.
Braçe: Davidi është një djalë 28-vjeç ndërkohë që Bledi është një djalë 33-vjeç që ka ndryshuar disa biznese me radhe. Kësaj radhe duke qenë se na dëgjojnë ne u futën me kokë te biznesi i shalqinit. Nëse ju nuk dëgjoni ata do vij unë këtu të bërtas sepse para atyre do dal nesër unë. Do kërkoj vota unë. Dhe unë nuk kërkoj vota pa fytyrë.
Unë përmend emra sepse këta janë pjesë e një karteli që po bëjnë një lojë të ndyrë pa fund në kurriz të bujqve të Divjakës dhe Lushnjes. Këta nuk grumbullojnë për 5-6 ditë me radhë. Dhe pastaj po këta shesin në Kosovë me këto çmime qesharake dhe prej andej bëjnë eksportin me çmimet që shiten sot në Europë. Doni Fruits ka shitur me 22 cent në Zvicër, Në Kosovë ia shet vetes me 12 cent. Fraeno shet në Slloveni. Gazmir Kavaja shet me 00.7 cent.
Si i del që grumbullon atje me 7 lekë. Si i del? Gazmir Kavaja brenda të njëjtës ditë shet në Holandë me 18 cent. Nga 7 në 18 cent. E kuptoni lojën që po bëjnë? Pse duhet të marrë rrugën Davidi ku duhet të merret me familjen dhe tokën e tij. Pse ai tjetri duhet të emigrojë në moshën 37 vjeç? Ky është shqetësimi im. Prandaj bërtas unë zonjë.
