- Reklamë -spot_img
30.5 C
Tirana
Faqja kryesoreAktualitetShitja e të drejtës televizive të Superiores, si Armand Duka po bën...

Shitja e të drejtës televizive të Superiores, si Armand Duka po bën “dallavere” me procesin

- Reklamë -spot_img

Armand Duka pasi u rizgjodh në krye të Federatës Shqiptare të Futbollit edhe për një mandat tjetër katër vjeçar, siç e ka “zakoni” po mbron interesat e tij ekonomike.

Hapja e garës për shitjen e të drejtës televizive për shfaqjen e kampionateve të kategorisë “Abissnet Superiore” dhe Kategorisë së Parë, si edhe të Kupës së Shqipërisë e Superkupës së Shqipërisë, u bë zyrtare me datë 8 korrik 2022.

Ndërkohë që në njoftimin e FSHF-së sqarohej se të gjithë të interesuarit duhet të paraqisnin ofertat e tyre ekonomike shoqëruar me dokumentacionin përkatës brenda datës 15.07.2022, ora 12.00 pranë selisë së Federatës Shqiptare të Futbollit.

Mësohet se dy kompanitë më të interesuara për blerjen e Superiores kanë qenë “Super Sport”, aty ku aksioner është vetë kreu i FSHF Armand Duka dhe “Oversport”.

Kompania “Oversport” ka ofruar ofertën më të lartë për të blerë të drejtat televizive të Superiores me 1.2-milion euro, ndërsa Super Sporti ku bën pjese edhe Duka ka ofruar një shumë më të ulët që ështē 650- mijë euro, raporton Gazeta Tema.

Rrjedhimisht sipas rregullave kompania fituese është ajo që ka ofertën më të lartë në këtë rast “Oversport”, por kjo gjë nuk i shkon përshtat qëllimeve të Dukës.

Duke qenë vetë aksioner tek kompania ‘Super Sport” Armand Duka po e mban peng procesin e blerjes së Superiores, gjë që duket qartazi. Vonesa e fituesit dhe thyerja e rregullave janë fakte që tregojnë se si kreu i FSHF-së po bën “dallavere” me procesin e blerjes së Superiores

 

- Reklamë -spot_img

Duhet lexuar

- Reklamë -spot_img

Artikuj te ngjashëm

- Reklamë -spot_img

PËRGJIGJU

Ju lutem shkruani komentin tuaj!
Ju lutem shkruani emrin tuaj