Pas dy javësh në krye të Policisë së Shtetit, Gledis Nano do të zhvillojë konferencën e parë për mediat në orën 13:00.
Në daljen e tij të parë, Nano të flasë për afatin 100 ditor të vendosur nga Kryeministri Edi Rama, në kohën kur Policia e Shtetit drejtohej nga Ardi Veliu, lidhur me arritjet në muajt e fundit.
Ndër të tjera ende nuk ka një konfirmim zyrtar lidhur me ndryshimin në strukturat e Drejtorive Vendore apo Policisë së Shtetit. Ditët e fundit në media është përfolur se do të ketë një transformim, ku një sërë emrash pritet të largohen ose transferohen nga drejtimi i disa komisariateve apo Drejtorive Vendore në qarqe dhe në rrethe përfshirë edhe Tiranën.
Duke nisur nga dita e nesërme Gledis Nano do të zhvillojë një tur takimesh në të gjithë vendin me përfaqësuesit e rendit.
Burime bëjnë me dije se takimin e parë do ta realizojë në qytetin e Korçës dhe më pas në drejtoritë e tjera të vendit. Në fokus të takimeve do të jetë performanca e policisë në luftën kundër krimit ndaj jetës, kultivimit dhe trafikimit të drogës dhe kontrollit të territorit.
Në bazë të përfundimeve të këtyre analizave, do të ketë rrokadë të mundshme në varësi të performancës, ku drejtoria e Tiranës është ndër më të përfolurat.
“Ma vranë djalin për herë të dytë” ulërima e nënës së Stiven Toshkëzit, ndërsa në të njëjtën ditë drejtësia liroi vrasës, të fortë dhe zyrtarë të korruptuar
Dje nuk ishte thjesht një ditë e rëndë. Ishte panorama më brutale e një sistemi drejtësie të dorëzuar, të lodhur,...
