- Reklamë -spot_img
32.5 C
Tirana
Faqja kryesoreAktualitetA është Nuredin Dumani i penduari i drejtësisë? Ja si përgjigjet kreu...

A është Nuredin Dumani i penduari i drejtësisë? Ja si përgjigjet kreu i SPAK

- Reklamë -spot_img

Në lidhje me operacionin e zhvilluar ditën e sotme, kreu i SPAK është pyetur nëse ka qenë Nuredin Dumani që është “zgjidhur”, pra nëse tashmë ai ka bërë rolin e të penduarit të drejtësisë.

Por kreu i SPAK Arben Kraja nuk ka konfirmuar as mohuar nëse Nuredin Dumani është i penduar i drejtësisë dhe nëse mbi bazën e dëshmisë së tij është ndërmarrë operacioni i sotëm me dhjetëra urdhër-arreste dhe për emra të njohur të botës së krimit. Kraja tha se arrestimet janë bërë mbi bazë të provave të grumbulluara nga grupi hetimor.

“Arrestimet janë bërë mbi bazë të provave të grumbulluara nga grupi hetimor. Për probleme të tjera nuk mund të kthejmë përgjigjur. Masa në gjykatë është pjesë e hetimit, nuk ka rëndësi kur është kërkuar. Koncepti provë shumë i gjerë, përfshin hetime proaktive, përfshin përgjime, përfshin dëshmi, përfshin prova të sekuestruara më herët dhe në vijim, është koncept i gjerë”, deklaroi Kraja.

Vlen të theksojmë se Prokuroria e Posaçme, SPAK ndërmori aksion në disa qytete të vendit, pas 32 urdhër-arresteve të lëshuara nga GJKKO.

Aksioni është zhvilluar në Tiranë, Durrës, Lezhë dhe Elbasan. Sipas informacioneve, 13 urdhër-arreste janë vetëm në Elbasan, një prej qyteteve më të nxehta të krimit në vend.

Janë në kërkim personazhe të njohur të botës së krimit si Ervis Martinaj në Lezhë, Suel Çela dhe Kamber Mehja në Elbasan, apo Fatos Gosa në Peqin. Disa prej personave në listën e SPAK tashmë janë në burg.

- Reklamë -spot_img

Duhet lexuar

- Reklamë -spot_img

Artikuj te ngjashëm

- Reklamë -spot_img

PËRGJIGJU

Ju lutem shkruani komentin tuaj!
Ju lutem shkruani emrin tuaj