Zv/ministrja e Shëndetësisë, Mira Rakacolli i ka dhënë përgjigje disa dyshimeve për kategoritë që duhen vaksinuar apo jo, në emisionin Frontline në News 24.
Në lidhje me vaksinimin e fëmijëve, Rakacolli tha se komiteti i ekspertëve do të mblidhet së shpejti dhe do të merret një vendim. Ajo tha se në momentin që ata do të shohin edhe të dhënat nga vendet e tjera e kur ta shohin të arsyeshme do të japin një rekomandim.
“Ky është një problem teknik. Komiteti ynë i ekspertëve të vaksinimit do të ketë një vendim shumë të shpejtë dhe do të shprehet shumë shpejt brenda muajit tetor. Në momentin që ata e gjykojnë ta kenë gati dhe të shohin të dhënat nga vendet e tjera japin një rekomandim. Ne vaksinën se kemi bërë asnjëherë të detyruar, njeriu atë e bën me bindje. Ne i sqarojmë njerëzit në lidhje me vaksinimin, askujt s’i bëhet vaksinë me zor”, tha Rakacolli.
Ajo foli edhe për vaksinimi e grave shtëtzëna dhe tha se ato duhet ta bëjnë vaksinën, pasi mjekët e të gjitha fushave janë shprehur për këtë çështje dhe shtoi se vaksina nuk ka asnjë lidhje me sterilitetin
Ekspertët dhe mjekët janë shprehur që patjetër gratë shtatzëna duhet të bëjnë vaksinën. Për këtë janë shprehur mjekët të të gjitha fushave. Ata kanë paraqitur materiale që mbështesin këtë hipotezë. Vaksina nuk lidhet fare me sterilitetin. Vaksina nuk ka asnjë lidhje me ndërveprimin dhe rregullat biologjike që zhvillohet vaksina. S’ka asnjë lloj ndikimi”, është shprehur Rakacolli.
