- Reklamë -spot_img
25.5 C
Tirana
Faqja kryesoreAktualitet4 ditë nga vdekja e Jonadës, Çuçi shfaqet i 'prekur' pasi i...

4 ditë nga vdekja e Jonadës, Çuçi shfaqet i ‘prekur’ pasi i doli emri si biznesmen skafesh

- Reklamë -spot_img

Kaluan 4 ditë nga vdekja e vogëlushes Jonada që u godit nga skafi i komisarit të policisë Arjan Tase dhe nuk ka pasur një reagim nga ministri i Brendshëm Bledi Çuçi, i cili më në fund u kujtua sot të shfaqej i ‘prekur’ menjëherë pas protestës që u zhvillua ditën e djeshme ku iu shfaq emri si biznesmen skafesh.
Ai ka zgjedhur të reagojë sot, por jo për Jonadën… as për përgjegjësi morale dhe politike që pranon të marrë përsipër pas ngjarjes por për kundërshtarët politikë, dhe për lajmet që qarkulluan në media se është pronar i një biznesi mjetesh të ujit, gjë të cilën nuk e mohon, pasi është e faktuar, por thotë se është një shoqatë që e ka ngritur me miq pasionantë, pa qëllime fitimi.

Çuçi deklaron si arritje të tij arrestimin e Arjan Tases, i cili në fakt tentoi që të largohej nga vendngjarja, por u mbajt aty në sajë të këmbënguljes së dhjetra pushuesve që u bënë dëshimtarë të ngjarjes së rëndë.

Reagimi i Bledi Çuçit: 

Ka një përpjekje për të prodhuar fakte që të ilustrojnë akuzat e gatshme të Sali Berishës ndaj meje pas tragjedisë së fundit në Himarë. Për respekt të opinionit publik, që me të drejtë është i ngarkuar nga tragjedia e vajzës 7-vjeçare dhe dhimbja e familjes së saj, dua të sqaroj se sajesat me emrin tim dhe një shoqatë velierash sportive që kam krijuar me miq pasionantë të tyre, nuk kanë lidhje me asnjë biznes dhe aq më tepër me skafe apo gomone. 

I hedh poshtë me neveri këto sajesa, pasi duan të keqpërdorin në mënyrë të neveritshme këtë ngjarje tragjike, për ta mbajtur gjallë për hallet e tyre politike.

Gjatë këtyre ditëve të rënda për çdo shqiptar, por veçanërisht për familjen e vajzës dhe për ne që jemi përgjegjës për sigurinë e jetës së tyre, jam përpjekur të flas me veprime konkrete kundër fajtorëve të asaj tragjedie, të cilët tani janë para drejtësisë, përfshirë gjithashtu dhe të gjithë zinxhirin komandues të Policisë Kufitare Vlorë.

Mendoj se kjo është rruga e duhur për të respektuar dhimbjen e familjes së vajzës dhe të afërmve të saj. Rruga për t’u përballur me baltën e Sali Berishës është 30- vjeçare dhe nuk më sfidon. Thjesht e kemi detyrim ndaj shqiptarëve të ndajmë fatin e Shqipërisë nga fati dhe balta e tij.

- Reklamë -spot_img

Duhet lexuar

- Reklamë -spot_img

Artikuj te ngjashëm

- Reklamë -spot_img

PËRGJIGJU

Ju lutem shkruani komentin tuaj!
Ju lutem shkruani emrin tuaj