Tashmë janë përcaktuar edhe katër kandidaturat zyrtare për postin e Prokurorit të Përgjithshëm.
Fatjona Memçaj, Lulzim Allushaj, Olsian Cela dhe Arta Marku do të konkurrojnë më njëri-tjetërin për të marrë postin më të lartë të organit të akuzës, ndërkohë që brenda 60 ditëtëve do duhet që të paraqesin dokumentet e tyre në bazë të katër parimeve kryesore, dhe më pas tre prej tyre do t’i kalojnë parlamentit për vlerësim.
Katër kriteret në të cilat bazohet Parlamenti për përzgjedhjen janë: Kriteri profesional, kriteri moral dhe të integritetit, vlerësimi organizativ dhe drejtues dhe elemente shtesë për vlerësim (përvojë në jetën akademike, tituj shkencorë).
Një tjetër kusht që duhet të plotësojë kandidati në garë për kryeprokuror është edhe Vetting-u, i cili shihet si një nga hallkat më të rëndësishme. Deri më tani konkurrentja më e fortë duket të jetë Prokurorja aktuale e Përkohshme, Arta Marku, megjithatë presim vendimin përfundimtar të marrë nga Parlamenti.
