Tashmë është bërë zyrtare, pak më parë “Bindja Demokratike” me kryetar Astrit Patozin ka dorëzuar në gjykatë kërkesën për regjistrim.
Ashtu siç edhe dihet, Patozi është një nga kundërshtarët e kreut të PD-së Lulzim Bashës dhe sot i gjendur para faktit që opozita është jashtë parlamentit, ka vendosur të marrë pjesë në zgjedhje.
Bashkë me Patozin do të jenë pjesë edhe shumë emra të tjerë të larguar nga Partia Demokratike. Këta janë anëtarët e bordit të BD-së:
Arben Skënderi, Valbona Mezini, Fabian Topollaj, Astrit Patozi, Andi Përmeti dhe Leonard Olli, ndërsa koordinator i tij Astrit Patozi.
Në fillim kryetare e kësaj lëvizjeje do të ishte Rudina Hajdari, mirpëo kjo e fundit e ka mohuar dhe më pas është shfaqur emri i Astrit Patozit.
