Zvicra ka shtuar 11 shtete dhe disa rajone në Itali e Austri në listën e karantinës, ku Shqipëria nuk bën pjesë. Nga 14 dhjetori, shtetasit e 11 shteteve të reja do të duhet të jenë në izolim për 10 ditë kur të hyjnë në Zvicër.
Sipas Zyrës Federale të Shëndetit Publik (BAG), SHBA, Portugalia, Polonia, Hungaria, Gjeorgjia, si dhe shtetet e Ballkanit Serbia, Kroacia, Sllovenia dhe Maqedonia e Veriut e kanë të detyruar karantinën. Kosova dhe Shqipëria janë dy shtetet e vetme të paprekura në Ballkan.
Qysh nga fundi i tetorit, Zvicra njoftoi vendosjen e kufizimeve të reja në jetën publike dhe shoqërore, pas një rritjeje të mprehtë të normave të infektimeve me COVID-19. Baret dhe restorantet tani duhet të mbyllen në orën 23:00. Ngjarjet me më shumë se 50 persona janë të ndaluara dhe, gjithashtu, aktivitetet sportive dhe kulturore, që përfshijnë më shumë se 15 persona.
Hyrja në karantinë do të kërkohet vetëm nëse udhëtarët vijnë nga një zonë incidenca 14-ditore e së cilës është më shumë se 60 raste më e lartë se në Zvicër.
/GazetaReforma.com/
