Lufta kundër Coronavirusit është padyshim shumë e vështirë dhe kërkon ndër të tjera edhe investim të madh në mjekësi, duke e bërë të vështirë përballjen me virusin.
Së fundmi, Bashkimi Europian ka miratuar një fond ndihme prej 30 milionë eurosh për vendet e Ballkanit Perëndimor, që ashtu si pjesa tjetër e botës janë goditur nga COVID-19.
Ky fond do të shkojë në mbështetje urgjente që nevojitet për pajisjet mjekësore në këto vendet, ndërsa në lidhje me ndikimin dhe pasojat negative që virusi po shkakton në ekonomitë e të gjithë vendeve të prekura prej tij, BE është duke shqyrtuar masa se si të zbutet ky ndikim negativ.
Lajmi u dha nga komisioneri për Zgjerim, Oliver Varhelyi, i cli shkruan në twitter se BE është në mbështetje të plotë të Ballkanit Perëndimor në masat e marra ndaj pandemisë së Coronavirusit dhe përballimin e saj.
“Në të njëjtën kohë ne punojmë shumë për të mbështetur Ballkanin Perëndimor në përgjigjen ndaj shpërthimit të pandemisë së koronavirusit. Ne mobilizuam 30 milionë euro për mbështetje të shpejtë të pajisjeve mjekësore dhe po shqyrtojmë masa për të zbutur ndikimin negativ ekonomik të kësaj krize”, shkruan Varhelyi.
At the same time we work hard to support #WesternBalkans in #CoronavirusOubreak response. We mobilised €30 m for quick support for medical equipment and are considering measures to mitigate negative economic impact of this crisis.
— Oliver Varhelyi (@OliverVarhelyi) March 24, 2020
Së fundmi, kryeministri Edi Rama ka treguar se BE i ka akorduar vendit tonë një shumë prej 50 milionë eurosh.
“BASHKIMI EUROPIAN I AKORDON SHQIPËRISË 50 MILIONË EURO PËR LUFTËN KUNDËR COVID-19. Zoti i shqiptarëve është i Madh”, shkruan Rama.
Nga ana tjetër një reagim ka ardhur nga nga ambasadori i BE në Shqipëri, Luigi Sorec, i cili ka treguar se në kuadër të ndihmës për Shqiperinë është vënë fondi prek 4 mln€ për pajisje dhe mbështetje shëndetësore, 11 mln€ për mbrojtjen sociale dhe deri në 35 mln€ për rimëkëmbjen ekonomike.
“I lumtur të njoftoj ndihmën konkrete të BE-së për #Shipërinë në luftën kundër #COVID19. 4 mln€ për pajisje dhe mbështetje shëndetësore 11 mln€ për mbrojtjen sociale deri në 35 mln€ për rimëkëmbjen ekonomike. BE-ja është gjithmonë me në kohë nevoje. Jemi gjithmonë me Shqipërinë“, shprehet ambasadori Soreca.
Numri i prekurve me COVID-19 në vendin tonë sot ka shkuar në 123, ndërsa numri i viktimave ka shkuar në 5, teksa 9 prej të infektuarëve janë mjekë dhe infermierë, një nga Spitali i Durrësit dhe të tjerët nga spitali “Shefqet Ndroqi”, ndërsa ditën e sotme ka rezultuar pozitiv edhe numri 1 i Urgjencës, Skënder Brataj.
