Një apartament katin e 5 në banesat sociale në Shkozë, u përfshi nga flakët mëngjesin e sotëm.
Në banesë ndodheshin çifti I bashkëshortëve, si dhe 3 fëmijët e tyre.
Sipas “Balkanweb”, zjarri kishte rënë fillimisht në kuzhinë dhe më pas u përhap në të gjithë banesën.
Fatmirësisht nga flakët, nuk pati të lënduar në njerëz.
Në vendngjarje erdhën menjëherë forcat e zjarrëfikëses, që bënë të mundur shuarjen e flakëve.
Ndërkohë brenda apartamentit, gjithçka është e shkrumbuar. Rrethanat e ngjarjes janë ende të pazbardhura.
Gruaja e shtëpisë tregon se në momentin kur ra zjarri ishin në gjumë.
Më pas bashkëshorti i saj shkelmoi derën e apartamentit, pasi ishte bllokuar.
Ajo bën thirrje për ndihmë, pasi gjithçka që kishte iu dogj dhe tashmë ka mbetur pa asgjë.
“Ne ishim në gjumë dhe u ngritëm të tmerruar. Se pash orën fare me vrap kam ikur. Zjarri ra tek kuzhina..kam 4 vjet që jetoj aty. Njëherë ka pasur defekt e ka rregulluar babi im. U dogj gjithçka, s’kam asgjë tjetër tani. Tani shpresoj që të na ndihmoj bashkia. Atë mall që kisha lart, me ato haja bukë”, rrëfen gruaja.
