Situata e flakëve të zjarrit në Peqin nuk duket shumë e mirë, pasi zjarri që nisi 24 orë më parë ka filluar të dalë jashtë kontrollit.
Mësohet se zjarri ka filluar të përhapet me shpejtësi të drejt banesave që ndodhen pranë ullishtes ku ka rënë zjarri dhe janë djegur 4 mijë rrënjë ulliri. Temperaturat e larta dhe terreni i vështirë e bëjnë të pamundur shuarjen e flakeve nga zjarrëfiksja, prandaj zyrtarët e zonës kanë kërkuar ndihmë nga ajri për neutralizimin dhe shuarjen e flakëve.
Kujtojmë se në Shqipëri, që kur ka nisur vapa e madhe gjatë stinës së verës, janë djegur shumë toka, pyje dhe sipërfaqe të mbjella me frutore.
Nga muaji Janar deri në Korrik janë evidentuar 329 vatra zjarri, ku vetëm për muajin korrik janë evidentuar 168 vatra zjarri, dhe 20 hektarë janë përpirë nga flakët.
