Një ngjarje e rëndë ka ndodhur në Tetovë mbrëmjen e sotme, ku spitali Covid është përfshirë nga një zjarr i përmasave të mëdha. Mësohet se spitali është djegur plotësisht, ndërsa ndër të tjera bëhet me dije se tashmë flakët janë shuar.
Sipas informacioneve të marra mësohet se spitali i COVID-19 në Tetovë ka rezultuar me gabime infrastrukturore. Ditën e djeshme spitali u përfshi nga flakët dhe i mori jetën 14 pacientëve.
Në mesin e muajit prill ky spital ka pasur gabime ndërtimi në dysheme. Me furnizimin me ujë dhe rrymë elektrike ka qenë shumë mirë, por që atëhere është dhënë alarmi për gabimet të cilat konsideroheshin të vogla.
Numri i viktimave në spialin që u përfshi mbrëmjen e djeshme nga flakët është në rritje, mësohet se deri më tani numri I tyre ka shkuar në 14.
Tashmë flakët në spital janë shuar dhe dyshohet se zjarri mund të ketë shkaktuar edhe më shumë viktima, në radhët e mjekëve dhe pacientëve.
Sipas një shkrimi në media, thuhej se firma e cila ka kryer punët ndërtimore duhej ti mënjanoj vërejtjet.
“Vërejtjet kanë të bëjnë me dyshemenë dhe disa gabime tjera të vogla infrastrukturore. Është dhënë afat prej 5 ditëve që të sanohen gabimet të ndodhura gjatë ndërtimit të spitalit modular. Rrymë dhe ujë ka. Për sistemin e oksigjenit jemi në kontakt me firmën nga ku na thanë se për 2-3 ditë mund të vendoset. Sistemi ka ardhur deri tek infektivja dhe mund të lidhet. Në rast se nuk dalin probleme të tjera, javën tjetër shpresojmë se do të vihet në përdorim”, deklaroi asokohe drejtori Ekonomik i Klinikës së Tetovës, Artan Etemi.
