Ish-kandidati për kryetar i Partisë Demokratike, Agron Shehaj, ka reaguar pas djegies që iu bë mbrëmjen e djeshme vilës së “Sarajave të Toptanave”. Përmes një shkrimi të bërë në rrjetet sociale, Shehaj shkruan se djegia është një humbje e madhe për trashëgiminë kulturore shqiptare.
“Djegia dhe shkatërrimi i Sarajeve të Toptanëve, e vetmja dhe më e vjetra e mbijetuar në Tiranë, është një humbje e madhe për trashëgiminë kulturore shqiptare. Pas shkatërrimit të Teatrit Kombëtar, përflitej prishja e Sarajeve si pjesë e planit të ndërtimit të kullave në atë vend”, shkroi fillimisht Shehaj.
Më pas, Shehaj akuzoi Erjon Veliajn, si zjarrvënësin e qëllimshëmL: “Ato dyshime u bënë realitet. Zjarrvënia është bërë me leje të kryebashkiakut të Tiranës Erjon Veliaj, i cili ka gati edhe lejen e ndërtimit. Kalojnë vitet, ndryshojnë kryebashkiakët por fatkeqësisht nuk ndryshon keqqeverisja.Erjon Veliaj, nëpërmjet korrupsionit, ka vendosur postin e kryebashkiakut në shërbim të oligarkëve dhe pastrimit të parave”, shkroi Shehaj.
Veliaj më herët u shpreh se: “Kamerat e sigurise kane kapur zjarrvenesin teksa largohet perballe Torre Drin, Policia e Shtetit po punon per ta çuar ne pranga. Por zjarrvenesit e vertete jane porositesit, edhe per keta nuk do kete meshire.
Politikane qe diten merakosen per lodrat, e naten zjarrin qytetit! Ne mesnate, bisedova me Kryeministrin Edi Rama, i cili ka autorizuar shpronesimin e pershpejtuar per “Sarajet” si nje nga aktet e para te qeverise se re. Ta harrojne qe aty do kete ndertim, e ta harrojne qe aty do kete zjarr gjer sa te behet shpronesimi. Nga sot ka nisur regjimi 24h roje!”, shkroi Veliaj.
