Një vatër e re zjarri ka përfshirë kodrat e Hollivudit pranë Kanionit Runyon, duke shkaktuar evakuime masive dhe kërcënim për disa prej monumenteve më të njohura të zonës.
Sipas shefit të Departamentit të Zjarrfikësve të Los Angeles, Kristin Crowley, një urdhër evakuimi i detyrueshëm është në fuqi për zonën e kufizuar nga Bulevardi Laurel Canyon në perëndim, Mulholland Drive në veri, autostrada 101 në lindje dhe Hollywood Blvd në jug.
Në rrezik janë ndërtesa të rëndësishme si Teatri Dolby, ku zhvillohet ceremonia e Çmimeve Oscar, Hollywood Bowl dhe Walk of Fame. Zjarri ka përfshirë gjithashtu Kanionin Runyon, një vend i njohur për shëtitje dhe alpinizëm. Kaos është krijuar në rrugët e zonës, ndërsa zjarrfikësit po luftojnë për të vënë flakët nën kontroll.
Në total, të paktën shtatë vatra zjarri aktive janë raportuar në Los Angeles dhe në qarqet përreth. Situata mbetet kritike, ndërsa autoritetet vijojnë punën për të shmangur përhapjen e mëtejshme të flakëve.
